Paano gamutin ang Pigsa na walang Mata

Ang pigsa na walang mata (karaniwang tinatawag na “blind boil” sa Ingles) ay maaaring maging masakit at mahirap gamutin dahil walang maliwanag na bukasan para sa nana. Kapag naipon sa ilalim ng balat ang nana, lalakas ang pressure sa ilalim at magbuild up dito na karaniwang mahapdi sa pakiramdam dahil sa mga nerves na naiipit dito.

Narito ang ilang mga hakbang na maaari mong sundin para sa paggamot ng pigsa na walang mata.

Kapag ang bacteria ay nakapasok sa balat sa pamamagitan ng maliit na sugat, kagat ng insekto, o kahit sa isang inis na balat, maaari itong magdulot ng impeksyon. Sa kaso ng pigsa na walang mata, maaaring malalim ang impeksyon at hindi agad nakakapag-develop ng pus o nana sa ibabaw ng balat. Ang impeksyon ay maaaring limitado sa mas malalim na bahagi ng balat, kaya’t hindi lumilitaw ang mata. Karaniwang nagdudulot ito ng mas malalim at mas masakit na pamamaga.

Halimbawa ng pigsa na walang mata.

Ang mga karaniwang sanhi ng pagbuo ng pigsa ay kasama ang mahinang immune system, labis na pagpapawis, mahinang kalinisan, at iba pang kondisyon sa balat na nagpapadali sa pagpasok ng bacteria. Ang pagbuo ng pigsa ay maaaring maiwasan sa pamamagitan ng tamang kalinisan, pag-iwas sa pagkakamot ng balat, at agad na paggamot sa anumang maliliit na sugat o iritasyon sa balat.

Table of Contents

Paraan ng pag gamot sa pigsa na walang mata

Mainit na Kompres

Maglagay ng mainit na kompres sa apektadong lugar ng 15-20 minuto, tatlong beses sa isang araw. Ang init ay maaaring makatulong upang mapabilis ang pag-usbong ng “mata” ng pigsa.

Panatilihing Malinis

Hugasan ang apektadong lugar gamit ang banayad na sabon at tubig upang maiwasan ang impeksiyon.

Antibiotic Ointment

Maaaring maglagay ng antibiotic ointment sa pigsa pagkatapos linisin ito. Makakatulong ito upang maiwasan ang karagdagang impeksiyon.

Iwasang Pumisa o Pigain

Huwag piliting pumutok o pigain ang pigsa dahil maaari itong magpalala ng impeksiyon at magdulot ng komplikasyon.

Pain Relievers

Kung masakit, maaari kang uminom ng over-the-counter pain relievers tulad ng paracetamol o ibuprofen.

Pagsubaybay

Bantayan ang pigsa para sa anumang palatandaan ng paglala tulad ng pagdami ng pamumula, pamamaga, at pananakit, o kung may lagnat. Kung lumalala ang kondisyon, dapat nang kumonsulta sa doktor.

Medikal na Konsultasyon

Kung hindi gumagaling ang pigsa sa loob ng isang linggo o nagiging mas malala, kailangan mo nang kumonsulta sa doktor. Maaaring kailanganin ng doktor na magreseta ng mas malakas na antibiotics o magsagawa ng minor surgical procedure upang tanggalin ang nana.

Halimbawa ng mga Antibiotic ointment para sa pigsa na walang mata

Neosporin (Neomycin, Polymyxin B, Bacitracin)

Polysporin (Polymyxin B, Bacitracin)

Bacitracin (Bacitracin Zinc)

Bactroban (Mupirocin) – Note: Available OTC sa ilang bansa, ngunit maaaring kailanganin ng reseta sa iba.

Kailan dapat ipa-opera ang pigsa na walang mata

Narito ang mga palatandaan kung kailan dapat mong ikonsulta sa doktor ang iyong pigsa at posibleng ipa-opera ito.

Lumalaki at Lumalala

Kung ang pigsa ay patuloy na lumalaki at hindi nagbabago o lumalala sa loob ng isang linggo.

Matinding Pananakit

Kapag ang sakit ay hindi na kayang tiisin ng mga over-the-counter na pain relievers.

Lagnat

Kung ikaw ay may kasamang lagnat, ito ay maaaring senyales ng mas malalim na impeksyon.

Pulang Guhit

Kung mayroong mga pulang guhit na umaabot mula sa pigsa, ito ay maaaring senyales na kumakalat na ang impeksyon.

Pagkakaroon ng Maraming Pigsa

Kung ikaw ay nagkakaroon ng multiple boils o carbuncles, maaaring kailanganin ng mas agresibong paggamot.

Pagkakaroon ng Malubhang Kondisyon

Kung ikaw ay may diabetes, mahina ang immune system, o may iba pang kondisyon na nagpapahirap sa katawan mong labanan ang impeksyon.

Walang Pagbuti sa Home Treatment

Kung sa kabila ng tamang pag-aalaga at paggamot sa bahay, tulad ng hot compress, antibacterial ointment, at tamang kalinisan, ay walang pagbuti na nangyayari.

Kung ang iyong doktor ay nagpapayo ng operasyon, kadalasang isinasagawa ito upang:

I-drain ang Nana: Upang alisin ang nana at mabawasan ang impeksyon.
Magbigay ng Antibiotics: Kung kinakailangan upang labanan ang impeksyon.
Maiwasan ang Pagkalat ng Impeksyon: Upang hindi kumalat ang impeksyon sa ibang bahagi ng katawan.